Pleyeri seçin:
Ləng həyat tərzi keçirən bu canlı necə belə çox yaşayır?
Qrenlandiya balinaları dünyanın ən uzunömürlü canlıları hesab olunur. Arktika sularında yaşayan bu nəhənglərin ömürləri 200 ildən çox davam edə bilər.
Ekspertlərin sözlərinə görə, onların çox yaşamasının sirri yavaş böyümə, gec çoxalma və yaşa bağlı xəstəliklərə qarşı təbii müqavimətdir.
Alimlər balinaların yaşını müəyyənləşdirmək üçün onların göz toxumalarını araşdırıblar. Bu üsulla bir balinanın hətta 211 il yaşadığı aşkarlanıb.
Qeyd edək ki, 20 metrə qədər uzunluğu və 7 metrlik ağzı olan Qrenlandiya balinaları planktonlarla qidalanır. Təbii düşmənlərinin azlığı onlara ləng həyat tərzi keçirməyə imkan verir. Dişiləri 18-33 yaşda cinsi yetkinliyə çatır və hər 3-7 ildən bir bala dünyaya gətirir.
Kopyalandı
