Pleyeri seçin:
Leysan yağışları Hindistanda əsl fəlakətə səbəb oldu
Hindistanın Himalay regionunun Uttarxand ştatında leysan yağışları daşqınlara səbəb olub. Kəndlər və bazarlar suyun altında qalıb.
“Yolları su basıb, işə gedib çatmaq çətinləşib. Kəndlər ziyan görüb. Məndə olan məlumata görə, 4-5 nəfər dağıntılar altında qalıb”, – sakin Kunal Anand bildirib.
Uttarxandda sürüşmə də qeydə alınıb. Ekspertlər bunu iqlim dəyişiklikləri ilə əlaqələndiriblər.
Rişikeşin şimalında sel nəticəsində avtomagistral yararsız vəziyyətə düşüb. Yerli sakinlərin bir qismi təxliyə olunsa da, mövcud duruma görə xilasedicilərin işi çətinləşib.
Xatırladaq ki, avqustun sonlarında daşqına məruz qalan ərazidəki kəndlərin biri su altında qalmışdı. Azı 4 nəfərin öldüyü bildirilirdi. İtkin düşən 50 nəfərdən isə hələ də xəbər yoxdur.
Kopyalandı
