Liçi artıq yeyildikdə hansı fəsadlar törədə bilər? | Hindistanda araşdırmalar aparıldı

Alimlər müəyyən ediblər ki, məşhur tropik meyvə olan liçinin həddindən artıq istifadəsi beyin sağlamlığı üçün ciddi fəsadlarla nəticələnə bilər.

Onun tərkibində olan təbii toksinlər, məsələn, hipogliosin var ki, müəyyən şəraitdə sinir sisteminin kəskin pozulmalarına yol aça bilər.

Bu meyvə xüsusilə acqarına yeyildikdə təhlükəli olur. Liçinin populyar olduğu Hindistanda aparılan araşdırmalar göstərib ki, meyvənin mütəmadi olaraq acqarına istifadəsi “kəskin ensefalopatiya” adlanan vəziyyətin yaranmasına səbəb ola bilər. Bu vəziyyət qıcolmalar, huşun itməsi ilə müşayiət olunur və ağır hallarda ölümlə nəticələnə bilər.

Mütəxəssislər xəbərdarlıq edirlər ki, zəif immuniteti olan insanlar, həmçinin uşaqlar və yaşlılar risk qrupuna daxildir. Onlar balanslı qidalanmaya riayət etməyi və təhlükəsiz görünməsinə baxmayaraq, ekzotik meyvələrdən həddindən artıq istifadədən qaçınmağı tövsiyə edirlər.

Bu yeni kəşf bir daha xatırladır ki, hətta faydalı hesab olunan qidalar belə düzgün istifadə edilmədikdə sağlamlıq üçün təhlükə yarada bilər.