Pleyeri seçin:
Livanın cənubunda atışma | Sülhməramlılar arasında yaralılar var - Baku TV
BMT-nin Livandakı Müvəqqəti Qüvvələrinin Əl-Edeyse sərhəd rayonundakı müşahidə postunun atəşə tutulması nəticəsində üç sülhməramlı yaralanıb.
Bu barədə Müvəqqəti Qüvvələrin mətbuat xidmətinin rəhbəri Kendis Ardel bildirib.
Onun sözlərinə görə, yaralananlar xəstəxanaya çatdırılıb, onlardan ikisinin vəziyyəti ağırdır.
K.Ardel qeyd edib ki, komandanlıq hadisənin təfərrüatlarını, o cümlədən "mavi dəbilqəli"lərin mövqelərinə açılan atəşin mənbəyini araşdırır.
"Təşkilat bütün tərəflərə Livanın cənubunda sülhməramlıların təhlükəsizliyinin təmin edilməsi ilə bağlı öhdəliklərini xatırladır. BMT hərbçilərinin mövqeləri yaxınlığında döyüş əməliyyatlarının aparılmasından çəkinmək lazımdır, bu onlar üçün birbaşa təhlükə yaradır", – deyə o bildirib.
Kopyalandı
Seçilmişlər
