Londonda dəhşət dolu anlar yaşandı | Xəsarət alanlar var

Böyük Britaniyanın paytaxtı Londonun şimal-şərqində naməlum şəxs samuray qılıncı ilə insanlara hücum edib.

Bu barədə yerli media London polisinə istinadən məlumat yayıb.

Bildirilib ki, hadisə nəticəsində bir neçə nəfər xəsarət alıb. Xəbərə görə, insident Heynolt metrostansiyası ərazisində baş verib.

Məlum olub ki, naməlum şəxs avtomobillə binaya çırpılıb, bundan sonra o, soyuq silahla yoldan keçənlərə və iki polis əməkdaşına hücum edib.

Qeyd edilib ki, 36 yaşlı kişi hadisə yerində saxlanılıb.