Makronu yenə təhqir etdilər
Siyasi şərhçi kimi tanınan italiyalı jurnalist Anjelo Culiano şəxsi sosial media hesabında ajiotaja səbəb olan paylaşım edib.
O, Fransa Prezidentini öncə tənqid, sonra da təhqir edib.
Bildirib ki, Emmanuel Makron Avropa İttifaqının kokain lideridir və onun boşboğaz çıxışları heç nəyi dəyişməyəcək. Jurnalist yazısında qeyd edib ki, yaxın zamanda Fransanın Ukraynaya qoşun göndərəcəyi gözlənilir. Amma buna baxmayaraq, NATO bu müharibəni uduzub.
Onun sözlərinə görə, çox gec olmadan danışıqlar aparılmalı və E.Makron simasını itirməməlidir. Anjelo Culianonun fikrincə, bu, NATO-nun son anda blef edərək Rusiyaya böyük təzyiq göstərmək cəhdidir.
Ukraynaya dəstək göstərməyə can atan E.Makrona Rusiyanın Təhlükəsizlik Şurası sədrinin müavini Dmitri Medvedevdən də sərt reaksiya gəlib. O, Fransa Prezidentini mənasız danışmaqda qınayaraq onun ağlına və ağzına gələni danışan yaşda olmadığını deyib.
Bu yaşda belə ifadə növünün təhlükəli ola biləcəyini deyən D.Medvedev Emmanuel Makrona məsləhət belə verib. Deyib ki, Fransa lideri həkim müayinəsindən gec olmadan keçsə yaxşıdır.