Makronun London səfərində kritik məqam | "Putin bu məsələyə ciddi yanaşır"

“Fransa Prezidenti Emmanuel Makronun Londona səfəri bir neçə mühüm nəticə verdi və yəqin ki, ən çox səs-küyə səbəb olan xəbər Fransa ilə Böyük Britaniya arasında nüvə silahı sahəsində birgə alyansın yaradılması oldu. Bu isə Kremlin qulağında avropalıların qarşıdakı illərdə istehsal etməyi vəd etdiyi mərmilərdən və raketlərdən qat-qat daha çox əks-səda doğuracaq”.

Bunu Britaniyanın “Telegraf” qəzetinin köşə yazarı Qamiş de Bretton-Qordon bildirib.

O qeyd edir ki, son həftələrdə bu, Avropanın nüvə müdafiəsi ilə bağlı ikinci önəmli bəyanatdır.

Daha əvvəl Britaniyanın müdafiə naziri ABŞ-dən nüvə silahı daşıya bilən F-35A qırıcı təyyarələrinin alınacağını açıqlamışdı, bu təyyarələr ABŞ-nin B61 taktiki nüvə bombalarını daşımaq qabiliyyətinə malikdir.

“Nüvə çəkindirmə mexanizminin effektivliyi paritetə və tarazlığa əsaslanır, lakin son aylar ABŞ Prezidentinin Avropa ilə bağlı bəzi şərhləri bu mövqeyi ciddi şəkildə sarsıtdı. Bu isə Kremlə, əgər Rusiya Ukraynada və ya ümumiyyətlə Avropada taktiki nüvə silahından istifadə etsə, ABŞ-nin buna cavab verməyəcəyini düşünmək üçün mesaj ola bilər. Müharibə genişlənəndən bəri Putin və onun bandası daim nüvə hücumu ilə hədələyir. Bu da onların bu məsələni ciddi şəkildə düşündüyünü göstərir”, ‒ Qordon vurğulayıb.

Qeyd edək ki, ötən gün Fransa Prezidenti Emmanuel Makron Londona səfər edib.