Mariya Korina Maçadonun Donald Trampla görüşəcəyi gözlənilir

Venesuela müxalifətinin lideri Mariya Korina Maçado Ağ Evə gəlib. Bu barədə CNN telekanalı məlumat yayıb.

Qeyd olunur ki, yaxın vaxtlarda onun ABŞ Prezidenti Donald Trampla görüşəcəyi gözlənilir.

Bu arada, Venesuelanın müvəqqəti hökuməti ABŞ-nin bütün tələblərini yerinə yetirir və ABŞ lideri Donald Tramp əməkdaşlığın davam etməsini gözləyir.

Bu barədə Ağ Evin mətbuat katibi Kerolayn Livitt jurnalistlər üçün mütəmadi keçirilən brifinqdə bildirib.

“Dövlət katibi Marko Rubio, eləcə də administrasiya Bolivar Respublikasının səlahiyyətli Prezidenti Delsi Rodriqes və Venesuelanın müvəqqəti hökumətinin digər üzvləri ilə daimi təmasdadır, onlar əməkdaşlığa hazır olduqlarını nümayiş etdirirlər. Hazırkı məqamda onlar ABŞ-nin və Prezidentin bütün tələblərini və xahişlərini yerinə yetiriblər”, – deyə o bildirib.