Məşhur türk müğənninin ailəsində qalmaqal | Bacısı haqqında elə sözlər dedi ki...

Türkiyəli müğənni-aktyor Özcan Dənizin ailəsi ilə qalmaqalı davam edir.

Sənətçi bu dəfə bacısı Yurda Güləri şantaj etməklə gündəmə gəlib.

Ailəsi ilə bütün əlaqələrini kəsən Ö.Dəniz əvvəlcə qardaşı, sonra isə bacısı ilə mübahisə etməyə başlayıb. Yurda Gülərin ifaçının həyat yoldaşı Samar Dadqarın ünvanına sərt sözlər deməsi Özcanı özündən çıxarıb.

Özcan paylaşım edərək “Məni dayandırdılar. Siz həmişə ailənin ən hörmətsizi və hiyləgəri olmusunuz. Özün kimi biri ilə birlikdəsən və oğlun üçün dua et. Birlikdə olduğun evli kişi üçün hazırladığım video hələ də qalıb. Daha bir hörmətsizlik gözləyirəm, etsən, yayımlayacağam” sözlərini yazıb. O, bacısının evli kişi ilə münasibətdə olduğunu açıqlayıb.

Özcanın xanımı Samar isə Y.Gülərin “Qardaşımla bizi düşmən etdi. İrandan gəlib min hiylə ilə ona yaxınlaşıb, məşhur olmaq xəyalını gerçəkləşdirdi” sözlərinə “Sənin səviyyənə düşməyəcəyəm. Sizinlə sizin kimilər məşğul olsun. Sizə vaxtım yoxdur, xoşbəxtliyimlə məşğulam” cavabını verib.