Moskva təcili hərəkətə keçdi | PUA-lar neft anbarını hədəf aldı, ara qarışdı

Rusiyanın paytaxtına PUA hücumu olub.

Bu barədə Moskva vilayətinin meri Sergey Sobyanin məlumat verib.

Bildirilib ki, martın 14-ü səhər saatlarında Moskva vilayətində 4 pilotsuz uçuş aparatı vurulub. Ölən və yaralanan olmayıb.

Fövqəladə Hallar Xidmətindən bildirib ki, Moskvanın qərbində dronun qalıqları yaşayış binasının damına çırpılıb. Rusiyanın Tuapse şəhərində isə PUA-lar neft anbarını hədəf alıb.

Hücumdan sonra neft anbarının ərazisində yanğın başlayıb. Məlumata görə, yanğının sahəsi 1000 kvadratmetrdən çox olub. Benzin çənlərindən biri alışıb. Eyni zamanda Soçi Hava Limanında “Xalça” rejimi tətbiq edilib, reyslər təxirə salınıb.

İlkin məlumata görə, itki yoxdur. Yanğının söndürülməsinə 121 nəfər canlı qüvvə və 39 texnika cəlb olunub. Vnukovo Hava Limanında da “Xalça” rejimi tətbiq edilib. Reyslər təxirə salınıb. Kaluqa Hava Limanında da məhdudiyyətlər tətbiq olunub.

Daha sonra Rusiya Federal Hava Nəqliyyatı Agentliyi hər iki hava limanının fəaliyyətinə qoyulan məhdudiyyətlərin aradan qaldırıldığını açıqlayıb.