Moskvada 10-dan çox adamın sümüyü tapılıb

Moskvanın mərkəzində restoranın altından 10-dan çox adamın qalıqları tapılıb.

Bu barədə Rusiya mətbuatı məlumat yayıb. Bildirilib ki, insan qalıqları əvvəllər “Qranatovıy sad” restoranının yerləşdiyi ərazidə aparılan təmir-tikinti prosesi zamanı aşkar edilib.

İşçilər sözügedən ərazidən 10 kəllə, 17 fəqərə, 30 qabırğa, 2 çənə sümüyü və onlarla başqa skelet hissəsi aşkar ediblər. Qalıqların kimə aid olduğu hələ ki məlum deyil.

Qeyd olunub ki, həmin yerdə restoran 2012-ci ildə inşa olunub. Ondan əvvəl isə ərazi dayanacaq və sənaye zonası olub. Ekspertlərin ilkin rəylərin görə, qalıqları tapılan insanların ölüm müddəti 20-30 il olub. Faktla bağlı araşdırmalara başlanılıb.