Moskvada bıçaqlı şəxs insanlara hücum etdi | Yaralananlar var

Moskvada “Crocus City Hall”da baş verən terrordan sonra daha bir dəhşətli hadisə yaşanıb.

Əlibıçaqlı şəxs kompüter klublarından birinə daxil olaraq ətrafdakı insanlara hücum etməyə başlayıb.

Hadisə axşam saatlarında qeydə alınıb. Naməlum şəxs əvvəlcə klubun girişində dayanan insanlara hücum edib. Daha sonra o, müəssisəyə daxil olaraq iki nəfəri bıçaqla yaralayıb.

Yerli mətbuatın məlumatına görə, həmin şəxs bundan əvvəl də başqa 2 gənci bıçaqlayıb. O, saxlanılaraq aidiyyəti quruma təhvil verilib.