Moskvada miqrantlara qarşı əməliyyat | Qərar verildi

Rusiyanın paytaxtı Moskvada yerləşən "Princ Plaza" ticarət mərkəzində güc strukturları reyd keçirib və ölkədə qanunsuz yaşayan 426 miqrantın Rusiyadan deportasiya olunacağı açıqlanıb.

Bu barədə "Baza" "Telegram" kanalı məlumat yayıb.

Bildirilib ki, yanvarın 15-də Federal Təhlükəsizlik Xidməti, İstintaq Komitəsi, polis və Rosqvardiya birgə reyd təşkil edib.

Reyd zamanı qanunsuz miqrasiyanın təşkilində şübhəli bilinən üç nəfər saxlanılıb. İstintaq məlumatına əsasən, onlar bərbərxana və telefon təmiri adı altında əcnəbiləri saxta sənədlərlə leqallaşdırıblar.

Güc strukturları şübhəlilərin üzərində saxta miqrasiya sənədləri, o cümlədən sərhəd keçidi möhürləri aşkarlayıblar.

3 nəfərlə yanaşı, hüquq-mühafizə orqanları 426 nəfəri də saxlayıb. Onların Rusiya miqrasiya qanunvericiliyini pozduğu bildirilir.