Moskvada musiqiçinin ailəsində dəhşətli qətl: istintaq aparılır

“Qorki Parkı” rok qrupunun yaradıcısı, əsl adı Anastas Mikoyan olan Stas Naminin oğlu və qayınanası Moskva vilayətində öz kottecində bıçaqlanaraq öldürülüb.

Rus mediası iddia edir ki, qətldə şübhəli bilinən şəxs musiqiçinin övladlığa götürdüyü Roman Mikoyandır.

Bildirilir ki, 85 yaşlı Polina Tkaçenko və nəvəsinin meyitləri İstrinski rayonunun Kryukovo kəndindəki bağçada tapılıb. Qadın döş qəfəsindən bıçaqlanıb və nəvəsinin bədəninin hər yerində bıçaq xəsarətləri olub.

Qətlə yetirilən Artyom Mikoyan rəssam və kinorejissor, Stas Naminin oğlu və ən nüfuzlu sovet dövlət xadimlərindən biri olan Anastas Mikoyanın nəticəsi idi.

Şübhəli şəxs hazırda dindirilir və Moskva vilayəti üzrə istintaq komitəsinin müstəntiqləri axtarışlar aparırlar. Qətl üçün müxtəlif səbəblər, o cümlədən əmlak mübahisələri, narkotik istifadəsi göstərilir. Qətldə şübhəli bilinən şəxs bir yaşında olanda Stas Namin onun anası Qalina ilə evlənib.

39 yaşlı Roman Mikoyan pilotsuz uçan aparatlarla aparılan sorğu məlumatlarına əsaslanan analitik platforma hazırlayan “Skyeer”də inkişaf direktoru vəzifəsində çalışır.