Müctəba Xameneidən ABŞ və İsrailə sərt xəbərdarlıq - Baku TV

“İran müharibəyə can atmır, amma öz hüquqlarından imtina etməyəcək”.

Bunu İran dövlət televiziyasının Ali Rəhbər Müctəba Xamenei adından yaydığı bəyanatda bildirilib.

Müctəba Xamenei iranın ölkənin ABŞ və İsraillə münaqişədə qalib gəldiyini bəyan edib.

“Bu gün və bu günə kimi biz əminliklə deyə bilərik ki, siz iranlılar müqəddəs müdafiənin üçüncü epik döyüşündə qalib gəldiniz”, – deyə Xamenei söyləyib.

O, ABŞ və İsraildən vurulan zərərə görə kompensasiya tələb edəcəklərini bildirib. Qeyd olunub ki, Tehran istənilən halda qarşı tərəfdən kompensasiya tələb edəcək. Bundan imtina edilərsə, zərərin qarşılığı olaraq həmin ölkələrin əmlakına əl qoyulması və ya ekvivalentinin məhv edilməsi mümkün hesab olunur.

Bəyanatda maliyyə zərərinin ödənilməsi üçün müvafiq tədbirlərin görülməsinin vacibliyi vurğulanıb və bunun aidiyyəti qurumların vəzifəsi olduğu qeyd edilib.

Müctəba Xamenei həmçinin İranın Hörmüz boğazının idarə olunmasında yeni mərhələyə keçəcəyini bildirib və bu məsələnin ABŞ ilə danışıqlarda əsas tələblərdən biri olduğunu vurğulayıb.

O, Fars körfəzi ölkələrini də düzgün tərəfi seçməyə çağırıb.