Müharibə ilə bağlı dəhşətli proqnoz

“Kreml analitikləri müharibə ilə bağlı mövcud vəziyyəti öyrənib və rəhbərliyə məyusedici proqnozlar veriblər”.

Bu sözləri rusiyalı tarixçi Valeri Solovey deyib. Onun sözlərinə görə, müharibə yayın ortalarında - payızın əvvəlində Krım ərazisinə keçəcək.

"Kreml təkcə Ukraynadakı hərbi uğursuzluqlara deyil, həm də ciddi iqtisadi sarsıntılara hazırlaşır. Analitiklərin bəzi hesablamaları Rusiya hökumətinin qalib əhval-ruhiyyəsi ilə birbaşa ziddiyyət təşkil edir. Bu hesablamalar Rusiya Silahlı Qüvvələri üçün mənfi haldır. Artıq yayın ortaları, bəlkə də payızda faktiki olaraq Krım yarımadasının ərazisində döyüşlərin başlanması istisna edilmir. Əgər Ukrayna Kerç körpüsünə atış məsafəsinə imkan verən əraziyə çıxarsa, o zaman Krımın taleyi üçün ciddi təhlükə yaranacaq”, - deyə V.Solovey bildirib.

Tarixçi həmçinin əlavə edib ki, Rusiyanın gələcəyi olduqca qorxulu görünür.