Müharibədə son vəziyyət | Ukrayna nə qədər torpaq itirdi?

31 avqust 2025 480 baxış

“Ordunun birləşmiş qruplaşmaları demək olar ki, bütün cəbhə xətti boyunca fasiləsiz hücumları davam etdirir”.

Bu sözləri Rusiya Silahlı Qüvvələrinin Baş Qərargah rəisi Valeri Gerasimov deyib.

Onun sözlərinə görə, mart ayından bu yana Rusiya Ordusu 3500 kvadratkilometr ərazini nəzarətə götürüb. Ukraynanın 149 yaşayış məntəqəsi ələ keçirilib.

“Sumı və Xarkov vilayətlərinin sərhədlərində təhlükəsiz zona yaradılır”, – deyən V.Gerasimov bildirib ki, Rusiya Ordusu Dnepropetrovsk vilayətində də irəliləyib.

Təqdim olunan informasiyaya görə, Luqanskın 99,7 faizi Rusiyanın nəzarətindədir. Vilayəti tam ələ keçirmək üçün 60 kvadratkilometr ərazi qalıb.

Bunda başqa, Rusiya Donetskin 79 faizini işğal edib. Zaporojye vilayətinin 74, Xersonun isə 76 faizi Rusiya Ordusunun nəzarətindədir.

Qeyd edək ki, Kiyev Ukrayna ərazilərində Rusiya işğalçılığının davam etdiyini təsdiq etsə də, Moskvanın hərbi uğur kimi təqdim etdiyi məlumatları təkzib edir.

#Rusiya Silahlı Qüvvələri