Namizədlərin olduğu ərazini partlatdılar | Pakistanda aləm bir-birinə dəydi

Pakistanda parlament seçkiləri zamanı 51 terror hadisəsi baş verib.

Bəlucistan əyalətində namizədlərin ofisləri yaxınlığında iki ardıcıl partlayış nəticəsində ümumilikdə 28 nəfər həlak olub, 39 nəfər yaralanıb.

Naməlum şəxslər seçki məntəqəsinə atəş açaraq oradakı polisi öldürüblər. Ölkənin şimalında da gərgin vəziyyət yaşanıb. Dörd təhlükəsizlik məmuru naməlum şəxslər tərəfindən onların avtomobillərinə yerləşdirilən bombanın partlaması nəticəsində həyatını itirib.

Yerli hüquq mühafizə orqanlarından verilən məlumata görə, seçki günü yerli toqquşmalarda daha 12 nəfər ölüb. Hökumət təhlükəsizliyi təmin etmək üçün 650 mindən çox hərbçi və polis əməkdaşını küçələrə çıxarıb, yeni terror aktlarının törədilə bilmə ehtimalından ehtiyat edərək bütün ölkə ərazisində mobil rabitə və interneti kəsib.

Xatırladaq ki, Pakistanda 128 milyon insanın səsvermə hüququ var.