Narkotikdən istifadə edən polislər işdən qovuldu | Dəhşətli statistika

2024-cü ilin 10 ayı ərzində Ermənistanda 47 polis əməkdaşı narkotik vasitələrdən istifadə etdiyinə görə işdən azad olunub.

Bu barədə ölkənin daxili işlər naziri Vage Kazaryan bildirib.

Onun sözlərinə görə, narkotik vasitələrin qanunsuz dövriyyəsi ilə mübarizə əsas prioritetlərdən biri olaraq qalır. Buna səbəb isə qeyri-qanuni maddələrin yayılmasının yeni və daha mürəkkəb üsulları ilə bağlı ciddi narahatlıqların yaranmasıdır.

Məlumata görə, son 5 ildə Ermənistanda narkotiklə əlaqəli cinayətlərin açılmasına dair göstəricilər orta hesabla 46,6 % artıb.