Pleyeri seçin:
NASA kosmosdakı zondlarla bağlı hərəkətə keçdi | Detallar açıqlandı
NASA təxminən 50 ildir ki, kosmosda səyahət edən "Voyager 1" və "Voyager 2" zondlarının enerji ehtiyatlarını qorumaq məqsədilə bəzi elmi cihazlarını deaktiv etdiyini açıqlayıb.
Hər iki "Voyager" indiyə qədər qarşılaşdıqları texniki problemlərin öhdəsindən gələ bilib. Lakin getdikcə daha uzaqlaşan bu kosmik öncüllərin bir gün həll olunmaz bir problemlə üzləşməsi ehtimalı böyükdür.
Bunu nəzərə alan NASA-nın Reaktiv Hərəkətlər Laboratoriyası fevralın 25-də "Voyager 1"in kosmik şüa alt sistemini bloklayıb. Martın 25-də isə "Voyager 2"nin aşağı enerjili yüklü hissəcik cihazı söndürüləcək.
Hazırda hər iki kosmik aparat üç elmi cihazla fəaliyyət göstərir, lakin ümumilikdə yeddi cihaz artıq sıradan çıxarılıb.
Xatırladaq ki, keçən il NASA "Voyager 2"nin plazma elmi cihazını da deaktiv etmişdi.
Kopyalandı
Seçilmişlər
