NATO-nun ordusu savaşa qoşulur? | Türkiyə MN-dən raket hücumu barədə açıqlama - Baku TV

İrandan Türkiyə istiqamətinə buraxılan daha bir raket Hava Hücumundan Müdafiə sistemləri tərəfindən məhv edilib.

Bu barədə Türkiyə Milli Müdafiə Nazirliyi məlumat yayıb.

Xəbərə görə, Türkiyənin səmasına daxil olan İrandan atılmış ballistik raket Şərqi Aralıq dənizində NATO Hava Hücumundan Müdafiə sistemləri tərəfindən zərərsizləşdirilib.

“Ölkəmizin ərazisinə və hava məkanına yönəlmiş hər cür təhdidə qarşı bütün lazımi tədbirlər qətiyyətlə və tərəddüdsüz şəkildə görülür, hadisənin bütün aspektləri ilə aydınlaşdırılması üçün müvafiq ölkə ilə danışıqlar aparılır. Milli təhlükəsizliyimiz prioritet olmaqla bölgədəki bütün hadisələr diqqətlə izlənilir və qiymətləndirilir”, – deyə Milli Müdafiə Nazirliyindən bildirilib.

Qeyd edək ki, gecə saatlarında Adanada, Batmanda və Diyarbəkirdə ballistik raketin zərərsizləşdirildiyi an bir çox vətəndaş tərəfindən müşahidə edilib.

Xatırladaq ki, NATO Hava Hücumundan Müdafiə qüvvələri ABŞ və İsrailin fevralın 28-də başlatdığı əməliyyatlardan sonra martın 4-ü və 9-da İrandan atılmaqla Türkiyə hava məkanına daxil olan 2 ballistik raketi məhv edib.