Nəhəng “odlu quş” alimləri təşvişə saldı | Günəşdə nələr baş verir?

Günəşin fonunda nəhəng "odlu quş"a bənzər sirli obyekt müşahidə edilib.

Fövqəladə hadisə ilə bağlı bir neçə fərqli elmi izah təqdim olunub.

Astronom Aleksandr Kiselev bildirib ki, bu görüntü əslində Günəşə çox yaxın keçən, istiliyin təsirindən buxarlanan və ya hissələrə ayrılan bir kometa ola bilər. Belə kometalar "Günəşə toxunanlar" adlanır.

Yevgeni Anpilogov hesab edir ki, bu nəhəng forma protuberans Günəş maddəsinin maqnit sahəsi ilə kosmosa atılması nəticəsində yaranıb.

Onun sözlərinə görə, bu protuberansın məsafəsi 2,5 milyon kilometrə qədər uzanıb və bu, indiyə qədər qeydə alınan ən böyük göstəricidir. Ölçü baxımından obyekt Yer kürəsindən 10 dəfə böyükdür.

İlkin təhlillərə görə, bu "quş"un qanad açıqlığı təxminən 150 min kilometr təşkil edir. Obyektin görünüşü isə Günəşin üzərində pərvaz edən canlıya bənzəyir.

Alimlər xəbərdarlıq edirlər ki, bu qeyri-adi hadisələr Günəş aktivliyinin artmaqda olduğunun göstəricisidir. 2025-2026-cı illərdə Günəş fəallığının zirvəyə çatacağı gözlənilir.