Pleyeri seçin:
Nepalda “zoomer” inqilabı | İğtişaşlar nəticəsində 20-dən çox insan öldü
Nepalda hökumətin bir sıra sosial şəbəkələri qadağan etmək qərarına görə başlayan gənclərin kütləvi etirazları “zoomer” inqilabı adlandırılıb.
Xarici medianın məlumatına görə, küçə etirazları getdikcə daha şiddətli xarakter alıb, nümayişçilər binaları yandırıb. İğtişaşlar və polislə toqquşmalar nəticəsində yüzlərlə insan yaralanıb, azı 22 nəfər ölüb.
Etirazlar hakimiyyətin istefasına səbəb olsa da, ölkədə vəziyyət normallaşmayıb. Nümayişçilər təkərləri yandırır, hökumət məhəlləsində və parlamentin ərazisində nəqliyyatın hərəkətini iflic edirlər.
Həmçinin Nepalın Mülki Aviasiya İdarəsi bildirib ki, Katmandu Hava Limanı yaxınlığında etirazçılar tərəfindən yanğın törədilib. Tüstü təyyarələr üçün təhlükə yarada biləcəyindən hava limanı dərhal bağlanıb.
Onminlərlə etirazçı hələ də küçələrdədir. Onlar dövlət qurumlarına hücum edərək yolları bağlamağa davam edirlər. Orduya məxsus helikopterlər bəzi nazirləri təhlükəsiz əraziyə aparıb.
Kopyalandı
#Nepal teqi istifadə olunub
Seçilmişlər
