Nijni Novqorod şəhər hava limanının polis rəisi Namiq Musayev həbs edildi

Rusiyanın Nijni Novqorod şəhərinin hava limanının Polis İdarəsinin rəisi Namiq Musayev qanunsuz miqrasiyanın təşkili ilə bağlı cinayət işinin istintaqı çərçivəsində saxlanılıb.

“Report” yerli mətbuata istinadən xəbər verir ki, Daxili İşlər Nazirliyinin Volqa Federal Dairəsi üzrə Nəqliyyat İdarəsi Namiq Musayevin saxlanılmasını təsdiqləyib.

Bildirilir ki, bir qrup vətəndaşın qanunsuz hərəkətlərini nəqliyyat polisinin mühafizə xidmətinin əməkdaşları Federal Təhlükəsizlik Xidməti İdarəsinin Nijni Novqorod vilayəti üzrə həmkarları ilə birgə müəyyən ediblər.

12 əməkdaşın “sxem”ə cəlb olunduğu, fəaliyyətin bölüşdürüldüyü, bəzilərinin pul qəbul etdiyi, bəzilərinin rəisin qanunsuz əmrlərini yerinə yetirdiyi iddia olunur.

Məlumata görə, onun barəsində Rusiya Cinayət Məcəlləsinin sərhədi qanunsuz keçmə və vəzifə səlahiyyətlərindən sui-istifadə maddələri cinayət işi başlanılıb.

Namiq Musayev barəsində iki ay müddətinə həbs qətimkan tədbiri seçilib.