Olimpiya məşəlinin qarşılanma mərasimi keçirilib

29 dekabr 2025 277 baxış

Olimpiya məşəli Sermoneta və Cassino şəhərlərinin mərkəzi küçələrində böyük təntənə və idman marşlarının sədaları altında mərkəzi İtaliyadan keçib.

Məşəl noyabrda qədim oyunların vətəni olan Yunanıstanda yandırıldıqdan sonra dekabrın əvvəlində İtaliyaya gətirilərək oyunların təşkilatçıları tərəfindən təhvil alınıb və dekabrın 6-da Romanın tarixi dei Marmi stadionundan yola salınıb.

Məşəlin səyahəti təxminən 12 min km məsafəni əhatə edəcək və 2026-cı il Qış Olimpiya Oyunlarına hazırlıq çərçivəsində İtaliyanın 110 əyalətinin hamısından, o cümlədən 300-dən çox bələdiyyə ərazisindən keçəcək.

Yarışlara Milan və Dolomite ilə birgə kurort bölgə olan Kortina d'Ampezzo da ev sahibliyi ediləcək. Oyunlar 2026 cı il 6-22 fevral tarixləri arasında keçiriləcək. Ardınca isə mart ayında Paralimpiya Oyunları start götürəcək.

Sermoneta və Cassino şəhərlərindən keçən alov Avellinoya, oradan da Potenzaya doğru səyahətinə davam edəcək.

#Olimpiya məşəli