Ölkəmizi bu cür məğlub etmək istəyirlər | Lavrov UNESCO-nu yıxıb sürüdü

UNESCO Katibliyi Baltikyanı ölkələr və Ukraynada Rusiya mədəni irsi ilə bağlı abidələrin dağıdılması faktlarını biabırçı şəkildə gizlədir.

Bunu Rusiyanın xarici işlər naziri Sergey Lavrov UNESCO işləri üzrə komissiyanın iclasında bildirib.

“Başda Fransa vətəndaşı icraçı direktor Odri Azule olmaqla UNESCO Katibliyi ölkəmizin beynəlxalq proseslərdə iştirakından tutmuş mədəniyyətə, təhsilə, dini dəyərlərə qədər Rusiyaya aid hər şeyi məhv edir. Burada məqsəd ölkəmizi strateji məğlubiyyətə uğratmaqdır.

Kiyev hakimiyyəti və onların qərbli himayədarları ilə bir yerdə oynayan Katiblik susur. Mən deyərdim ki, Ukraynada, Baltikyanı ölkələrdə hətta UNESCO tərəfindən qorunan Rusiya tarixi-mədəni irs abidələrinin kütləvi şəkildə sistematik məhv edilməsi ilə bağlı biabırçı sükut hökm sürür”, – deyə o vurğulayıb.

Rusiya XİN başçısı qeyd edib ki, UNESCO Odessanın tarixi hissəsində Böyük Yekaterina və feldmarşal Qriqori Patyomkinin abidələrinin sökülməsinə məhəl qoymayıb, cəmi bir həftə sonra ərazini Dünya İrsi Siyahısına salıb.