Ölkəni silkələyən istefa dalğası | Ukraynada nə baş verir?

Ukraynanın xarici işlər naziri Dmitri Kuleba istefa verib.

Bu barədə Ali Radanın sədri Ruslan Stefançuk özünün sosial şəbəkə hesabında paylaşım edib.

O, D.Kulebanın istefa ərizəsinin fotosunu paylaşıb və bildirib ki, ərizə artıq Ali Radaya təqdim edilib.

Bununla yanaşı, ölkənin Baş nazirinin reinteqrasiya məsələləri üzrə müavini İrina Vereşuk, eləcə də hökumət başçısının Avroatlantik inteqrasiya üzrə müavini Olqa Stefanişina vəzifələrindən ayrılmaq haqqında ərizə yazıblar.

Ali Radanın deputatı Aleksey Qonçarenko Olqa Stefanişinanın ədliyyə naziri təyin olunacağı barədə ehtimal irəli sürüb.