Olmaz dedikləri oldu | Planetimizin qaranlıq dərinliklərində nə baş verir?

Avstraliyalı tədqiqatçılar okean fırtınalarında Yer kürəsinin dərinliklərindən gələn əks-səda siqnallarını qeydə alıblar.

Bu, alimlərə daha əvvəl araşdırılması çətin olan geoloji quruluşları öyrənmək üçün yeni imkanlar yaradır.

Tədqiqatçıların sözlərinə görə, qış aylarında Atlantik okeanında baş verən güclü fırtınalar zamanı yaranan nəhəng səs dalğaları Yer kürəsinin nüvəsindən keçərkən zəifləyir. Lakin Avstraliyanın səssiz və əhalisiz bölgələrində yerləşdirilən xüsusi sensor qurğuları sayəsində bu zəif titrəyişlər qeydə alınıb.

Alimlər izlədikləri siqnalların Qrenlandiya və Nyufaundlend yaxınlığındakı okean sularında, xüsusilə də qış fırtınaları zamanı meydana gəldiyini müəyyən ediblər.

Bu yeni yanaşma yalnız Yer kürəsinin daxili quruluşunun öyrənilməsinə deyil, gələcəkdə digər planetlərin daxili geoloji xüsusiyyətlərinin araşdırılmasına da tətbiq oluna bilər.