Ömrümüzü bu yollarla uzun edə bilərik | Alimlərdən maraqlı araşdırma

İnsan niyə meymundan çox yaşayır? Məsələn insanın maksimal ömür müddəti yüz ildən çox olduğu halda şimpanzelər nadir hallarda 50 il həyatda qalırlar.

Söhbət təkcə tibb və komfortdan getmir. Alimlər əmindirlər ki, "Homo sapiens"in uzunömürlülüyündə ətin, daha doğrusu, genlərimizin ona reaksiyasının rolu olub. Ətlə qidalanmaya keçməklə insan əcdadlarında yeni genetik mexanizmlər inkişaf etməyə başlayıb.

Cənubi Kaliforniya Universitetinin bioloqu Keyleb Finç hesab edir ki, bizə nəinki böyük beyin, həm də uzun ömür verən dəyişikliklərin təkanı məhz yüksək miqdarda ətin istehlakıdır.

Qırmızı ət qocalmanı sürətləndirən və xəstəlikləri inkişaf etdirən təhlükəli vəziyyət hesab olunan xroniki iltihabı aktivləşdirir. Buna cavab reaksiyası olaraq orqanizmimizdə genetik uyğunlaşma başlayıb.

Tibbin təkmilləşdirilməsi və qidalanmanın yaxşılaşması ilə birlikdə bu genetik yenidənqurma insanlara bioloji yaş həddini aşmağa imkan verib. Meymunların həyat resursu genetik səviyyədə məhduddursa, insanlarda təkamül "uzunömürlülük" rejimini işə salıb.