Onlar yalan danışır | Maradonanın ölüm işini araşdıran vəkildən sensasiyalı açıqlama

Əfsanəvi futbolçu Maradonanın ölümü ilə bağlı iddianı araşdıran məhkəmə işinə başlayıb.

Argentinanın paytaxtı Buenos-Ayresdə keçirilən məhkəmə prosesinin ilk iclasında sensassion görüntülər yayımlanıb.

Keçmiş futbolçunun vəkili məhkəmədə ölüm faktı ilə bağlı detalları açıqlayıb.

O, Maradonanın ölümündən dərhal sonra çəkilən fotonu nümayiş etdirib: “Baxın, cənab Dieqo belə öldü. İttiham olunanlar arasında “Maradonaya nə olduğunu bilmirik” deyənlərin hamısı yalan danışır. Vəziyyət tam aydın görünür”.

Vəkil fotonu göstərən zaman Maradonanın qızları Dalma və Gianna gözyaşlarına boğulub. Məhkəmə binasının ətrafına toplaşan fanatlar isə cinayətkarlara ən ağır cəza verilməsini tələb ediblər.

Xatırladaq ki, Maradona 2020-ci il noyabrın 25-də 60 yaşında Buenos-Ayresdəki fərdi yaşayış evində dünyasını dəyişib. Əfsanəvi futbolçunun dəfnindən sonra onun yaxınları və dostları həkimləri səhlənkarlıqda ittiham edərək onlara qarşı iddia qaldırıb. Ölüm faktı ilə bağlı 8 şəxs cinayət məsuliyyətinə cəlb olunub. Onların günahı sübuta yetirilərsə, 25 illik həbs cəzasının veriləcəyi gözlənilir.