Pakistandakı partlayışda neçə nəfər həlak oldu?

21 noyabr 2025 268 baxış

Yeniliklərdən dərhal xəbərdar olun

Pakistanın Pəncab vilayətindəki kimya zavodunda qazanxananın partlaması nəticəsində azı 20 nəfər ölüb, həlak olanlardan 3-ü uşaq, 2-si qadındır.

Ümumiyyətlə, ölənlərin çoxu zavodun yaxınlığındakı binaların sakinləridir.

Yerli hakimiyyət orqanlarının məlumatına görə, yaxınlıqda olan 10 ev ziyan görüb, partlayış nəticəsində başlayan yanğın sürətlə ətrafa yayılıb.

Feysəlabad şəhərinin komissarı Raca Cahangirin sözlərinə görə, partlayışa səbəb qaz sızması olub. Bununla yanaşı, onlarla insan yaralanıb.

Ölkə mətbuatında verilən məlumatda bildirilib ki, xəsarətalanlar yaxınlıqdakı xəstəxanaya çatdırılıblar. Onlardan bəzilərinin vəziyyəti ağırdır.

Hazırda hadisə yerində xilasetmə əməliyyatı aparılır. Zavodun içərisində hələ də insanlar olduğundan ölənlərin sayının arta biləcəyi vurğulanıb.

#Pakistan

#Partlayış

Kopyalandı

Hindistanda qasırğa təhlükəsi ilə əlaqədar 180 mindən çox insan təxliyə edildi - Baku TV CANLI