Pakistanın ən böyük şəhərləri işıqsız qaldı

Pakistanda əsas elektrik şəbəkəsində meydana gələn nasazlıq səbəbindən ölkədə enerji təminatı dayanıb. Nəticədə milyonlarla insan işıqsız qalıb.

Ölkənin ən böyük şəhəri Karaçidə və paytaxt İslamabadda da elektrik enerjisi ilə bağlı problemlər qeydə alınıb. Pakistanın energetika naziri Xürrəm Dəstgir Xan yaranmış nasazlığın tezliklə aradan qaldırılacağına dair vəd verib.

Qeyd edək ki, Pakistanda elektrik enerjisinin verilməsi ilə bağlı problemlər tez-tez müşahidə olunur. Buna səbəb isə infrastruktura kifayət qədər sərmayənin qoyulmamasıdır. Xatırladaq ki, ölkədə 2022-ci ilin oktyabr ayında da buna bənzər hadisə baş vermişdi. Həmin vaxt enerji təminatının bərpası bir neçə saat sonra çətinliklə mümkün olmuşdu.