Paris Korsikanı necə fransızlaşdırır?

Korsikalı Frederik Polet adada yaranmış son vəziyyətlə bağlı Baku TV-yə açıqlama verib.

Digər soydaşları kimi o da Fransa ərazisi olan bu adada yerli dilin qadağan edilməsini və Korsika xalqının sıxışdırılmasını qınayıb. Frederikin fikrincə, korsikalıların öz dilini müdafiə etməsi həm də ümumi maraqların qorunması üçün aparılan mübarizə deməkdir.

“Biz korsikan dilini qorumalıyıq. Bu isə o dildə danışanların müdafiəsi deməkdir. Korsika Fransanın ən yoxsul bölgəsidir. Əhalisinin əhəmiyyətli bir hissəsi kənd yerlərində yaşadığı üçün inflyasiyanın ciddi təsiri altındadır. Onun monopoliyaya verilməsi inzibati tribunalın məlum qərarından daha qəbuledilməzdir. Bu, çətin, amma Konstitusiya baxımından məntiqli qərardır”, - deyə o əlavə edib.

Qeyd edək ki, Fransa hakimiyyətinin illərdir yürütdüyü siyasət nəticəsində yox olmaq təhlükəsi altında olan korsikan dili hazırda dünyada bu dildə danışanların kompakt yaşadığı yeganə yerdə – Korsika adasında tamamilə qadağan oluna bilər. 150 minə yaxın korsikalının istifadə etdiyi, ləhcə baxımından italyan dilinə yaxın olan korsikan dili ilə bağlı təhlükə bundan əvvəl YUNESKO tərəfindən də qeyd edilib.