Paşinyan II Qaregini hədələdi | Kilsə-hakimiyyət savaşında yeni mərhələ
Ermənistanın Baş naziri Nikol Paşinyan növbəti dəfə kilsəni tənqid atəşinə tutub.
Bununla bağlı o, sosial şəbəkə hesabında paylaşım edib.
Paşinyanın fikrincə, bütün ermənilərin katolikosu II Qaregin, eləcə də Baqrat Qalstanyan, Mikael Acapahyan və başqaları əslində dinə xidmət etməyiblər.
Erməni Apostol Kilsəsi anti-Məsih, antimilli, antidövlət qruplaşması tərəfindən işğal edildiyi üçün onlardan azad olunmalıdır.
“Mən kilsənin azad edilməsinə rəhbərlik edəcəyəm”, ‒ deyə Paşinyan paylaşımında vurğulayıb.
Qeyd edək ki, may ayının sonundan etibarən Nikol Paşinyan II Qaregin və Erməni Apostol Kilsəsinin arxiyepiskoplarına qarşı sərt bəyanatlarla çıxış edərək katolikosların subaylıq andının pozulması ilə bağlı yayılan xəbərlərə görə vəzifələrindən istefa vermələrini tələb edib.
Bundan sonra kilsənin Ermənistanda çevriliş hazırladığı, müxalifətin isə terror planları haqqında məlumatlar yayılıb. Bəzi arxiyepiskoplar həbs olunub.
İyulun 7-də Ermənistan fraksiyasının lideri Seyran Ohanyan başda olmaqla bəzi deputatların toxunulmazlıq hüquqları əllərindən alınıb və artıq cinayət məsuliyyətinə cəlb edilə bilərlər.
Bununla yanaşı, Paşinyan iyulun 7-də yeni katolikosun seçilməsinin zəruriliyini bəyan edib.
#Nikol Paşinyan teqi istifadə olunub
- Təhlükəsizlik modeli yenilənir, kilsəyə qarşı açıq müharibə elan olunur
- Erməni siyasi elitası Qərbi Azərbaycan reallığına hazırdır? - QƏRBİ AZƏRBAYCAN XRONİKASI
- Paşinyandan Ermənistanda olanlar barədə açıqlama
- Ermənistan Baş nazirindən Azərbaycanla bağlı açıqlama - Baku TV CANLI
- Ermənistanın Baş naziri birpartiyalı hökumət qurmağa nail olacaq? - Baku TV
