Peskovdan görüşlə bağlı mühüm açıqlama | Gələn həftə hər şey məlum olacaq...

Rusiya və ABŞ-nin texniki qrupları arasında danışıqlar yaxın günlərdə, şərti olaraq gələn həftənin əvvəlində baş tuta bilər.

Bu barədə Rusiya Prezidentinin mətbuat katibi Dmitri Peskov bildirib.

Onun sözlərinə görə, hazırda danışıqlarla bağlı son detallar razılaşdırılır.

Bəs Rusiyanın əsas danışıqçısı kim olacaq?

“Danışıqların yaxın günlərdə də ekspertlər səviyyəsində davam edəcəyinə ümid edirik. Bu, müzakirə olunub. Xüsusilə prezidentlər bu cür təmasların zəruriliyini, belə danışıqlarda ölkələri kimin təmsil edə biləcəyini müzakirə ediblər. Bu mövzuya, həqiqətən, telefon söhbəti zamanı da toxunulub. Son nüanslar razılaşdırılır, gələn həftənin əvvəli hər şey məlum olacaq. Qərar qəbul edildikdən sonra Rusiya tərəfini kimin təmsil edəcəyi müəyyənləşəcək”, – deyə D.Peskov qeyd edib.

O, Rusiya və ABŞ danışıqlarının digər məsələlərlə yanaşı, “Qara dəniz təşəbbüslərinin” yenilənməsinə də həsr olunacağını vurğulayıb.

Kremlin sözçüsü Moskvanın Vaşinqtonla ekspertlər səviyyəsində danışıqları davam etdirəcəyinə ümid etdiyini söyləyib.