Pezeşkiandan Trampa sərt sözlər | İranda nə baş verir? - Baku TV

İran Prezidenti Məsud Pezeşkian ABŞ Prezidenti Donald Trampın İrandakı etirazçılara dəstəyini cəfəngiyyat adlandırıb.

“İranda etirazçılar öldürülərsə, Trampın onları xilas edəcəyi ilə bağlı Tehrana xəbərdarlığı cəfəngiyyatdır. Həqiqət, ədalət və imamın yolu ilə gedən bir milləti heç bir qüvvə diz çökdürə bilməz”, – deyə İran Prezidenti vurğulayıb.

Qeyd edək ki, İranda davam edən etirazlar fonunda ölənlərin sayı artıb.

“Fars” agentliyi xəbər verir ki, Elam vilayətinin Məlikşah şəhərində iğtişaşçılar polis idarələrindən birinə daxil olmağa cəhd göstəriblər. Nəticədə silahlı qarşıdurma baş verib və üç nəfər həlak olub.

“Mehr” Xəbər Agentliyi isə ölənlərdən birinin hüquq-mühafizə orqanlarının əməkdaşı, digər iki nəfərin isə etirazçı olduğu məlumatını yayıb. Toqquşmalarda bir neçə nəfərin yaralandığı bildirilir. İranda ümumxalq etirazlarında daha əvvəl üç nəfərin öldüyü bildirilmişdi.

Məlumat üçün bildirək ki, İranda inflyasiya və milli valyutanın dollara nisbətdə rekord həddə kəskin ucuzlaşması nəticəsində son üç ildə ən böyük etiraz aksiyaları keçirilir.