Pleyeri seçin:
PKK-dan bombalı hücum: Türkiyə əsgəri şəhid oldu
İraqın şimalında baş verən partlayışda Türkiyə əsgəri şəhid olub. Bu barədə Türkiyə Milli Müdafiə Nazirliyi məlumat yayıb.
“25 avqust 2023-cü il tarixində “Pençe-Kilit” əməliyyatı zonasına PKK separatçı terror təşkilatı üzvləri tərəfindən yerləşdirilmiş əldəqayırma partlayıcının partlaması nəticəsində ağır yaralanan əsgər Erkan Selçuk xəstəxanaya çatdırılıb. Lakin onun həyatını xilas etmək mümkün olmayıb”, – deyə Nazirliyin məlumatında bildirilib.
Qeyd edək ki, Türkiyə Şimali İraqda “Pençe-Kilit” əməliyyatına 2022-ci ilin aprelində başlayıb. Əməliyyatın məqsədi bölgənin terrorçulardan təmizlənməsidir. Ankara bu təşkilatı milli təhlükəsizliyə əsas təhdidlərdən biri hesab edir. PKK ilə münaqişə 1984-cü ildən davam edir.
Kopyalandı
Seçilmişlər
