PKK Türkiyə sərhədini atəşə tutdu

PKK/YPG terror təşkilatı Suriyanın Tel Rıfat bölgəsindən Türkiyənin Öncüpınar Sərhəd Qoşunlarının nəzarətində olan bölgəyə atəş açıb.
Bu barədə Türkiyə Müdafiə Nazirliyi “Twitter”də yazıb. “İnsanlıqdan xəbəri olmayan PKK/YPG terror təşkilatı zəlzələdən istifadə edərək Suriyanın Tel Rıfat bölgəsindən Türkiyənin sərhəd bölgəsini atəşə tutub. Hərbçilərimiz arasında itki olmayıb, terrorçuların hədəfləri isə atəşlə susdurulub”, - deyə Nazirlikdən bildirilib.

Qeyd edək ki, fevralın 6-da Türkiyədə qeydə alınan dəhşətli zəlzələ nəticəsində 3 mindən çox insan həyatını itirib, minlərlə yaralı var.