PKK-ya vurulan zərərin miqyası açıqlanıb

Türkiyə Silahlı Qüvvələrinin Suriyanın şimalında ABŞ-nin himayəsi altında olan terror qruplaşmasına qarşı endirdiyi zərbələrin miqyası açıqlanıb.

Bu barədə yerli media məlumat yayıb. Bildirilib ki, İraqın şimalında son 3 ayda 11 hücum zamanı 31 Türkiyə əsgərini qətlə yetirən PKK terror təşkilatının hərbi və logistik fəaliyyət sahələri məhv edilib.

Rəqəmlərə əsasən, Türkiyə Ordusu Suriya və İraq ərazisində hərbi təyyarə və PUA-larla PKK və onun qanadlarına məxsus 104 hədəfi vurub.

Bunların hərbi qərargah, silah anbarı, fabrik, neft, qaz və elektrik kimi strateji obyektlər olduğu bildirilib. Suriyada yerləşən “Suveydiye 2” neft obyekti bütün cihaz və avadanlıqları ilə birlikdə tamamilə yanıb. Terrorçuların ümumilikdə 1 milyard dollar ziyan gördüyü açıqlanıb.