Plomb və implantlar tarixə qovuşur? | Yeni metodun tətbiqi necə olacaq?
Böyük Britaniyada yerləşən Kral Kolleci və London İmperial Kollecinin alimləri ilk dəfə olaraq laboratoriya şəraitində insan dişləri yetişdirməyə nail olublar.
Bu barədə "The Telegraph" qəzeti məlumat yayıb.
Alimlərin bildirdiyinə görə, onlar dişin inkişaf mühitini təqlid edən xüsusi material yaradıblar. Bu material hüceyrələrə siqnal ötürərək onların diş formalaşdırmasına səbəb olur.
Əgər bu texnologiya gələcəkdə plomblar və ya implantlar əvəzinə istifadə olunsa, o zaman həmin material çənəyə bitişəcək və zamanla özünü bərpa edə biləcək. Bu isə stomatologiyada böyük irəliləyiş ola bilər.
Tədqiqatçılar bildirirlər ki, yeni metodun tətbiqi üçün iki mümkün yanaşma var:
- Laboratoriyada dişin tam yetişdirilməsi və daha sonra xəstənin ağzına transplantasiya olunmasıdır.
- Materialın formalaşmanın erkən mərhələsində birbaşa çənəyə yerləşdirilməsidir. Bununla da diş ağız boşluğunda təbii şəkildə inkişafını davam etdirə bilər.
Alimlərin fikrincə, bu texnologiya gələcəkdə diş bərpası sahəsində inqilabi dəyişikliklərə səbəb ola bilər.
#Böyük Britaniya teqi istifadə olunub
- BMT Təhlükəsizlik Şurasına sədrlik Böyük Britaniyaya keçib
- "Daily Mail" Epşteynin KQB ilə əlaqəli ola biləcəyi barədə iddia irəli sürüb
- Çinə münasibətdə London və Vaşinqton arasında fikir ayrılığı var? - ANALİTİK BAXIŞ
- Böyük Britaniyanın nüvə silahı daşıyıcıları İsveçdə yerləşdiriləcək?
- Böyük Britaniyada "Chandra" qasırğası ilə bağlı xəbərdarlıq
