Polşada rüşvət qalmaqalı: əcnəbilərə iş vizası hansı yolla verilir?

Almaniya parlamentinin deputatı Qunnar Bek Avropa Komissiyasından Polşadakı viza qalmaqalını araşdırmağı xahiş edib. Qeyd olunub ki, Varşava rüşvət müqabilində əcnəbilərə iş vizası verib.

Xarici media xəbər verir ki, parlamentari Avropa İttifaqından çıxarılmanı nəzərdə tutan 7-ci maddənin tətbiqi imkanlarına baxmağı xahiş edib.

Bek Avropa Parlamentinə məktub göndərərək, hər biri min avroya başa gələn 260 minə yaxın vizanın müxtəlif ölkələrdə, xüsusilə Afrika və Asiyada Polşa konsulluqları vasitəsilə satıldığını qeyd edib.

“Aİ sərhədlərin qanunsuz keçməsinə şərait yaradan və ya yardım edən fiziki və hüquqi şəxsləri təqib etmək hüququna malikdir”, – deyə Avropa Parlamentinin Almaniyadan olan üzvü məktubda qeyd edib.

Qunnar Bek xatırladıb ki, ictimaiyyət qalmaqaldan xəbər tutduqdan sonra Petr Vavrşik Polşa xarici işlər nazirinin konsulluq məsələləri üzrə müavini vəzifəsindən qovulub, 7 əməkdaş isə rüşvətxorluqda ittiham olunub.