Putin geniş heyətlə iclas keçirəcək: Mahaçqala hadisəsi müzakirə olunacaq

Rusiya Prezidenti Vladimir Putin oktyabrın 30-da geniş heyətlə iclas keçirməyi planlaşdırır.

İclasda Mahaçqaladakı iğtişaşın müzakirə ediləcəyi gözlənilir. Bu barədə Kremlin rəsmisi Dmitri Peskov məlumat verib.

Onun sözlərinə görə, Prezident Qərbin Yaxın Şərqdəki hadisələrdən istifadə edərək Rusiya cəmiyyətini parçalamaq cəhdlərinə də toxunacaq.

Həmçinin Mahaçqaladakı iğtişaşlar nəticəsində hava limanına dəymiş təxmini ziyan açıqlanıb. Hava limanının direktoru Səid Ramazanovun sözlərinə görə, zərər bir neçə milyon rubl qiymətləndirilir.

İnsidentdən sonra hava limanında avadanlıq və infrastrukturun zədələndiyi müəyyən edilib. S.Ramazanov işçilərə mənəvi və fiziki zərərin dəydiyini də bildirib.