Putin-Tramp-Zelenski arasında üçtərəfli görüş keçiriləcək? - Baku TV

"Rusiya, ABŞ, və Ukrayna prezidentləri – Vladimir Putin, Donald Tramp və Volodimir Zelenskinin iştirakı ilə sammit yalnız əldə olunan razılaşmaların rəsmiləşdirilməsi məqsədilə keçirilə bilər".

Bunu Kremlin sözçüsü Dmitri Peskov deyib.

Dmitri Peskov bildirib ki, bu razılaşmaların əldə edilməsi primitiv sövdələşmə deyil, olduqca mürəkkəb prosesdir.

"Putin-Tramp-Zelenski sammitinin keçirilməsi təklifi çoxdan səsləndirilir. Dövlət başçımızın mövqeyini yaxşı bilirsiniz: belə görüş yalnız razılaşmaların rəsmiləşdirilməsi üçün mümkündür. Razılaşmalar isə heç də primitiv sövdələşmə deyil, çox sayda detaldan ibarət mürəkkəb nizamlanma prosesidir", – deyə Peskov vurğulayıb.

Kremlin sözçüsü həmçinin qeyd edib ki, prezidentlərin bütün məsələləri müzakirə etmək üçün görüşməsi mənasızdır. Onun sözlərinə görə, bu səviyyədə yalnız razılaşmaların yekunlaşdırılması mümkündür.

Peskov onu da əlavə edib ki, Kiyev tərəfi məhz real nizamlanma prosesi ilə məşğul olmaq istəmir.