Pleyeri seçin:
Putin hərbi çağırışla bağlı sənədə dəyişiklik etdi
Rusiya Prezidenti Vladimir Putin ölkə vətəndaşlarının yazda hərbi xidmətə çağırılması haqqında fərman imzalayıb. Bu barədə məlumatı yerli media yayıb.
Bildirilib ki, yanvarın 1-dən qüvvəyə minən yeni qaydalara əsasən, 18 yaşdan 30 yaşadək olan vətəndaşlar hərbi xidmətə çağırılacaq. Ümumilikdə yaz çağırışçılarının sayı 150 min nəfərədək göstərilir.
Fərmanda həmçinin müddətli həqiqi hərbi xidmətə çağırış müddəti başa çatmış əsgər, matros, çavuş və komandirlərin hərbi xidmətdən xaric edilməsi barədə göstərişlər də verilir.
Rusiya Silahlı Qüvvələri Baş Qərargahının Baş Təşkilat və Səfərbərlik İdarəsinin rəisi general-polkovnik Yevgeni Burdinski bildirib ki, yaşa dair edilən dəyişikliklərə baxmayaraq, hərbi xidmətin müddəti bir il olaraq qalır.
Kopyalandı
