Putin oxşarı ilə bir evdə yaşayır | Rus hüquq müdafiəçisindən şok açıqlama

“Rusiyanın Prezidenti Vladimir Putinin oxşarı var, lakin o, ictimai tədbirlərdə V.Putini əvəz etmir”.

Bunu rusiyalı hüquq müdafiəçisi Mark Feygin ukraynalı jurnalist Dmitri Qordonla söhbətində deyib.

“Razıyam ki, real, amma ictimaiyyətə çıxmayan oxşarları var. Lakin onlar ehtiyat variantdır və tez bir anda təhlükəsiz mühit yaratmaq üçün lazımdırlar. Onlar sui-qəsd risklərindən qorunmaq üçün istifadə olunurlar. V.Putini ictimaiyyət qarşısında təmsil etmək və onu əvəz etmək üçün oxşarlara ehtiyac yoxdur, çünki bu, çox təhlükəlidir.

V.Putini müxtəlif ekspertlər, kəşfiyyat nümayəndələri, fizioqnomiyadan anlayan insanlar izləyirlər. Ona görə də belə əvəzləməni hiss etməmək çox asandır. Başqa bir insanı təqlid etmək səs tembrindən, mimikalardan və s. kimi minlərlə parametrlərdən ibarətdir.

Təbii ki, indi müasir texnologiyaların köməyi ilə bunu təkrarlamaq olar. Ancaq düşüncə tərzini nitq vasitəsilə çatdırmaq çox çətindir. Təsdiq olunsa ki, məsələn, Mariupolda V.Putinin əvəzinə onun dublyoru hərəkət edir, təəccüblənəcəyəm. İndiyə qədər bütün faktlar dublyorların olduğunu göstərir, lakin onlar V.Putini açıq şəkildə əvəzləyən deyil, əməliyyat oxşarlarıdır, yəni qeyri-ictimai oxşarlar”, – o bildirib.

Öz növbəsində D.Qordon qeyd edib ki, onun məlumatına görə, Valdayda Rusiya Prezidentinin oxşarı da yaşayır:

“Çoxlu plastik əməliyyat etdirmiş bir adam var. O, praktik olaraq V.Putinin yanında yaşayır, onu izləyir, ünsiyyət qurur, bəzi şeyləri mənimsəyir. Onları ayırd etmək demək olar ki, mümkün deyil”.