Putin : Rusiyanı məğlub etmək mümkün deyil

“Rusiyanı döyüş meydanında məğlub etmək mümkün deyil”.

Bunu Rusiya Prezidenti Vladimir Putin fevralın 21-də Federal Məclisə müraciətində bildirib. Onun sözlərinə görə, Qərb Ukraynaya nə qədər çox uzaqmənzilli sistemlər verərsə, Rusiya bu təhdidləri öz sərhədlərindən bir o qədər uzaqlaşdıracaq.

Putin əlavə edib ki, müharibəyə qarşı çıxaraq milli xəyanət yoluna qədəm qoyanlar qanun qarşısında cavab verəcəklər. "Rusiya Strateji Silahların Azaldılması Müqaviləsində iştirakını dayandırır” deyən Vladimir Putin Vaşinqtonun nüvə silahının təbii sınağı haqqında düşündüyünü də vurğulayıb.

Prezident qeyd edib ki, ABŞ bunu edərsə, Rusiya Müdafiə Nazirliyi və “Rosatom” Rusiyanın nüvə silahlarını sınaqdan keçirməyə hazır olduğunu təmin etməlidir.