Putin və Pezeşkian hansı vacib məsələni müzakirə etdi?

Rusiya Prezidenti Vladimir Putinlə onun iranlı həmkarı Məsud Pəzeşkian arasında telefon danışığı olub.

Xarici medianın yaydığı məlumata görə, telefon danışığı zamanı Suriyada getdikcə daha da gərginləşən vəziyyət müzakirə olunub.

Tərəflər müxalif qrupların və dəstələrin ölkədəki əməliyyatlarını Suriya dövlətinin suverenliyini, siyasi və sosial-iqtisadi sabitliyini pozmaq cəhdi kimi qiymətləndiriblər.

Eyni zamanda Rusiya tərəfi Əsəd hakimiyyətinə ölkənin konstitusiya quruluşu və ərazi bütövlüyünü bərpa etməsi üçün qeyd-şərtsiz dəstəyini ifadə edib.

Əlavə olaraq, Türkiyənin iştirakı ilə “Astana formatı” çərçivəsində səylərin əlaqələndirilməsinin vacibliyi də vurğulanıb.

Bundan başqa, Rusiya ilə İran arasında əməkdaşlığın inkişafına dair aktual məsələlər barədə fikir mübadiləsi aparılıb. İki ölkə gələcək təmaslara dair razılığa da gəlib.

Qeyd edək ki, telefon danışığının İran tərəfinin təşəbbüsü ilə baş tutduğu bildirilir.