Putinin qızından etiraf | İlk müsahibəsi əks-səda doğurdu

Rusiya Prezidenti Vladimir Putinin keçmiş həyat yoldaşı Lyudmila Aleksandrovnadan olan qızı Mariya Vorontsova gözlənilməz müsahibə verib.

Putinin böyük qızı olan Vorontsova peşəcə həkim-endokrinoloqdur. Müsahibə elmi səpkidə olub və Rusiyada elmi-genetikanın inkişafının təbliği məqsədilə faliyyət göstərən tibb profilli “YouTube” kanallarının birində baş tutub. Buna qədər Vorontsova mediada demək olar ki, görsənmirdi, heç bir fikir və şərhləri ilə gündəmə gəlmirdi.

Müsahibə ötən ilin son günlərində işıq üzü görüb və söhbət zamanı Prezidentin qızı şəxsi həyatından da danışıb. O qeyd edib ki, uşaq vaxtı həkim olmağı arzulayıb, amma orta məktəbi bitirdikdən sonra iqtisadiyyata yönəlmək istəyib. Bu zaman da onun bu seçiminin fərqli yozulacağından çəkindiyini etiraf edərək elmi-tibbi seçdiyini bildirib.

Ən böyük əyləncəsinin klassik ədəbiyat olduğunu da vurğulayan Vorontsova ədəbi zövqünün standart olmasından şikayətlənib. “Bəs ən böyük arzunuz nədir?” sualına isə Vorontsova “İstəyirəm Yer planetində həyat necə başlayıb onu dərk edəm, insan beynində fikirlərin forlmalaşması mexanizmi də məndə heyrətamiz həyəcan doğurur”, – deyə cavab verib.