Putinlə Kim Çen In arasında müzakirə | Liderdən müharibəyə reaksiya

Rusiya Prezidenti Vladimir Putin və Koreya Xalq Demokratik Respublikasının Dövlət Şurasının Sədri Kim Çen In arasında görüş keçirilib.

Paytaxt Pxenyanda baş tutan və nümayəndə heyətlərinin iştirakı ilə aparılan danışıqlar təxminən bir saat yarım davam edib.

Görüşdə Şimali Koreya lideri Rusiyanın dünyadakı rolunu qeyd edib və Ukraynada apardığı xüsusi hərbi əməliyyatı tam dəstəklədiyini bildirib.

“Koreya Xalq Demokratik Respublikasının hökuməti güclü Rusiya Federasiyasının dünyada strateji sabitliyin və tarazlığın qorunmasında mühüm missiyasını və rolunu yüksək qiymətləndirir. Həmçinin Rusiya hökumətinə, ordusuna və xalqına suverenlik, təhlükəsizlik maraqları, eləcə də ərazi bütövlüyünü qorumaq üçün Ukraynada xüsusi hərbi əməliyyatın həyata keçirilməsində tam dəstək və həmrəylik ifadə edir”, – deyə Kim Çen In vurğulayıb.