Qadınların kökəlməyə can atdığı, möcüzələrlə dolu olan ölkə - ORALARDA NECƏDİR?

“Oralarda necədir?” rubrikasının yeni buraxılışında həm Sakit okean, həm də Karib dənizi ilə əhatələnmiş, təbiət möcüzələri ilə zəngin olan Kosta-Rikadan bəhs edilib.

Kosta-Rikada ünvan sistemi fərqlidir – evləri tapmaq üçün poçtalyonların köməyinə ehtiyac var. Çünki küçələrdə ev nömrəsi və ünvan yoxdur. Buna baxmayaraq, poçtalyonlar əvəzsiz xidməti ilə tanınır və maaşları ayda 600 dollar təşkil edir.

Ölkə ərazisinin böyük hissəsi milli park və qoruqlardan ibarətdir, insanların girişinə ciddi məhdudiyyət var, heyvanların yaşaması qanunla qorunur.

Maraqlı məqamlardan biri də odur ki, Kosta-Rikada ordunun olmamasına qərar verilib. Ona xərclənəcək vəsait daha çox əhalinin həyat keyfiyyətinin yaxşılaşdırılmasına yönəldilir.

Bu ölkədə balıq ətli qadınlar xüsusi diqqət çəkir. Burada arıqlamaq üçün sərt diyetlərə ehtiyac yoxdur, çünki yerli gözəllik anlayışında sağlam və dolğun bədən forması önəm daşıyır. Kostarikalı kişilər də əsasən belə xanımları bəyənir.